Archives

टीएमसी संपूर्ण ठाणे शहरासाठी 100% स्मार्ट मीटरिंग योजना राबवणार आहे. या मीटरिंगचे उद्दिष्ट पाण्याच्या संसाधनांची बचत करणे आहे.

कोणत्याही शहरातील महत्त्वपूर्ण गोष्ट म्हणजे वाहतूक. शाळा, कॉलेज, कार्यालये किंवा कोणत्याही अन्य कारणासाठी नागरिक हे सार्वजनिक वाहतूक व्यवस्थांचा वापर हा शहरांमध्ये प्रवासासाठी करत असतात. प्रवाश्यांचा प्रवासाचा अनुभव सुधारण्यासाठी तसेच वाहतूक सेवा प्रवासी केंद्री होण्यासाठी इटेलिजेंट ट्रान्सपोर्ट सिस्टम (ITS) ची अंमलबजावणी करणे ही आवश्यक बाब आहे. याकरीता ठाणे स्मार्ट सिटी लि. ने हा बदल करणारा उपक्रम हाती घेतला असून यामुळे कार्यक्षमता वाढून वेळेची बचत, किमान वाहतूक कोंडी आणि प्रदुषण कमी होऊन कार्बन उत्सर्जन कमी होण्यास मदत होणार आहे. यामुळे प्रवाशांना वाहतूक कोंडीची आगाऊ माहिती ‍ मिळून त्यांच्या प्रवासाचा वेळ वाचून सुरक्षा आणि आराम अधिक प्रमाणात प्राप्त होऊ शकेल.

टीएमसीला असे जाणवले आहे की नागरिकांना काही सुविधा मिळवण्यासाठी खूप वेळ खर्च करावा लागतो आणि टीएमसीच्या कार्यालयात अनेक वेळा यावे लागते परिणामी नागरिकांवर ताण पडतो. टीएमसी ने वापरकर्त्यांना केंद्रस्थानी ठेऊन सर्व सुविधा प्रदान करण्याचा महत्वाकांक्षी प्रकल्प आखला आहे, ज्यामध्ये सेवा पुरवणाऱ्या अंतर्गत विभागांचे उत्तरदायित्व, पारदर्शकता, कार्यक्षमता आणि परिणामकारकता या गोष्टींना महत्व देण्यात आले आहे. टीएमसीने अंतर्गत व्यवस्थापनासाठी एंटरप्राइज रिसोर्स प्लॅनिंग प्रस्तावित केले आहे, जेणेकरून त्यातील एकात्मिक एप्लिकेशनमुळे सेवांचे व्यवस्थापन आणि बॅक ऑफिसमधील अनेक कार्य संगणीकृत करणे शक्य होणार आहे.

सदर प्रकल्प, ठाणे शहरातील नागरिकांसाठी विनामूल्य वायफाय सेवेद्वारे इंटरनेट सुविधा (किमान 800 केबीपीएस वेगाची हमी ) देण्यासंबंधी आहे. त्यात या सेटअपची 10 वर्षांसाठी संरचना, संचालन, देखभाल (हार्डवेअर. सॉफ्टवेअर, मनुष्यबळ आणि इतर आवश्यक खर्च) विचारात घेतले आहे. संबंधित विक्रेत्याने पीपीपी कराराअंतर्गत 400 सीसीटीव्ही कॅमेरे आणि किमान 1600 कॅमेऱ्यांसाठी आवश्यक असणाऱ्या कनेक्टिव्हिटीच्या पायाभूत सोयीसुविधा देणे अपेक्षित आहे.